A situación laboral real dos traballadores do sector téxtil
A situación laboral real dos traballadores do sector téxtil non é como o din as empresas, que internacionalizan a produción a países subdesenvolvidos para despois vender os produtos nas tendas de primeiro mundo.
Por unha banda, as empresas dedicadas a este sector explotan homes, mulleres e incluso nenos a producir roupa cunhas condicións e salarios moi precarios. Neses países, o goberno non impón unhas condicións nin salarios dignos que terían que cumprir as empresas en países desenvolvidos, por iso, van producir a eses territorios, pois a eles benefícialles non ter que pagar uns salarios adecuados e os países non se preocupan pola integridade física e mental da poboación. Ademais, sendo a maior parte dos traballadores mulleres, os homes seguen cobrando máis, o que representa unha gran discriminación por parte de empresas que despois promoven o fin de todo tipo de discriminación, o que resulta inaceptable e contraditorio.
Por outra banda, se na maioría das familias se vive esta situación, os nenos terán que tamén comezar a traballar a curta idade para axudar á situación económica do seu fogar. Se os pais puidesen manter o equilibrio na casa, os rapaces poderían ir á escola aprender, así cando sexan maiores poder conseguir traballos acesibles e sans para lograr que a familia viva unha situación mellor. Ademais, este sistema acaba sendo hereditario e dificilmente conseguen ter un mellor traballo, pois a maior parte da poboación non ten estudos e as empresas non desexan persoas analfabetas.
En conclusión, esta situación non terá fin porque o mesmo que en Asia, en moitos países as condicións son inhumanas, o que provoca que só uns poucos sexan ricos e os demais pobres o que fai que non exista un equilibrio.
- Arantxa Varela Gándara (alumna de 4º ESO do IES Terra de Soneira)
MÁIS ARTIGOS DO ALUMNADO DO IES TERRA DE SONEIRA
- Sergio Pose Romero: A violencia machista no rural
- Irene Fdez. Pérez: Buscando solucións á violencia de xénero
- Nuria Castelo: A violencia machista segue medrando.
- Paula Blanco Paz: As Regueifas.
- Cristina Plaza: A Saúde mental.
- Claudia Roget: A necesidade de salvar as nosas praias.
- Sergio Pose Romero: Por que defendemos un país que non respecta os dereitos humanos?
- Luzía Roget: O Aborto.
- Mateo Calzas: Que é un penedo?.
- Enma Pérez: A implantación dos eólicos nos Penedos de Pasarela e Traba, benefico ou destrución?