O vindeiro venres 26 de maio, a partir das 22:30h, a Taberna O Patacón acolle a festa de presentación do Rockin’24. O festival de música alternativa que chega cada ano polo San Xoán, esta edición vaise celebrar o 22 de xuño.

E para coñecer cales serán as bandas participantes no festival, temos que asistir a esa festa do Patacón onde gozaron coa candela de Lóstregho.

A banda bergantiñá é todo potencia, garra, garaxe, punk… que producen un son atronador. A banda naceu en Ponteceso da man de Bryan e José García, aos que se sumou Josinho da Morena para poñer a voz. No 2022 gravaron o seu primeiro EP, Arroutada, un dos lanzamentos destacados do ano para publicacións como Solofolar ou Rouco Son. No 2023 incorporouse ao grupo Pablo Alvite en substitución de José García, e xa están de novo nos escenarios para facernos gozar dun directo explosivo.

Máis novas musiqueiras